jashn

sun lo shehanai

khushiyon ki bajegi

sun lo ummeedein

dulhin si sajengi

sun lo kaali si

shab ke paar se

dekho chanda ki humein jhalak dikhegi

ummeedon ke dar pe

haule se aake

khwabon ne dastak di

mauka mila hai

ab jee bhar ke jee lo

na fiqr karo kal ki

dil ye gungunaaye

ainve muskuraye

jashn hai ye mere dil ka

ude bin par lagaaye

koi aade na aaye

jashn hai ye mere dil ka (hoye hoye)

poori hui meri har ik dua hai

manzil tak pahunchi hai meri lagan

apnon ke sapne hi sapne hain mere

poore karungi main sabke sapan

aansu se dho dungi maathe ki salvat

muska ke poochungi har ek shikan

woh khushiyan kya

jo baanti nahin

jitni baantu main utni badhe..

woh ankhiyan hi kya

jo chhalke nahin

aankhe khushiyon se jhar jhar bahe..

dil ye gungunaaye

ainve muskuraye

jashn hai ye mere dil ka

aaha jashn jashn

arey haan jashn jashn

jashn hai ye mere dil ka